ရွှေလက်မြဲ ဘဝလက်တွဲဖော် ရှာဖွေရေး ဝန်ဆောင်မှု ကုမ္ပဏီ လီမိတက် (Service Provider) နှင့် ဘဝလက်တွဲဖော် ရှာဖွေသူ (Client or
LoveSeeker) တို့ကြား အသိပေး သဘောတူညီမှုဆိုင်ရာ အကြောင်းအရာ
ရွှေလက်မြဲ ဘဝလက်တွဲဖော် (အိမ်ထောင်ဘက်) ရှာဖွေရေး ဝန်ဆောင်မှုလုပ်ငန်း အား အသုံးပြု ရှာဖွေချင်သူ (Client or Loveseeker) အနေဖြင့် မန်ဘာဝင် ဖြစ်သည့်နေ့မှစ၍ ဖော်ပြပါ စည်းကမ်းချက်များကို လိုက်နာဆောင်ရွက်ရန် လိုအပ်ကြောင်းနှင့် ရွှေလက်မြဲ ကုမ္ပဏီ အနေဖြင့်လည်း Client များ၏ ကိုယ်ရေးကိုယ်တာ အချက်အလက်များကို လျှို့ဝှက်စွာ ထိန်းသိမ်းထားပေးရန် နှင့် ဝန်ဆောင်မှုနှင့်ပတ်သက်၍ လိုအပ်သည်များကို အကြံပြုဆောင်ရွက်ပေးရန် သိရှိနားလည်ပြီး ဖြစ်ပါသည်။
စည်းမျဉ်းစည်းကမ်းများသည် ဝန်ဆောင်မှု ပုံစံအလိုက် လိုက်လျောညီထွေ အောင် ရွှေလက်မြဲ ကုမ္ပဏီဘက်မှ အခါအားလျော်စွာ ပြင်ဆင်ခွင့်ရှိမည်ဖြစ်ပြီး ပြင်ဆင်သတ်မှတ်ချက်များကို အများပြည်သူ သိရှိစေရန် Webiste ပေါ်မှ ဖြစ်စေ၊ Shwe Lat Myal Facebook Page မှဖြစ်စေ ထပ်မံအသိပေးသွားမည်ဖြစ်သည်။ မန်ဘာဝင်များအနေဖြင့် စည်းမျဉ်းစည်းကမ်းအပြောင်းအလဲ Updated News များသိရှိနိုင်ရန် Shwe Lat Myal (Facebook) page အား Like & Follow ပြုလုပ်ထားပေးပါရန် မေတ္တာရပ်ခံအပ်ပါသည်။
မန်ဘာဝင်ရန် မှတ်ပုံတင်ခြင်း နှင့် အောင်သွယ်တော်များနှင့် ဆွေးနွေးခြင်း (Registration Process for the Membership)
- မန်ဘာဝင်လိုသူသည် အသက် အမျိုးသမီး ၂၁ နှစ်မှ ၄၀ နှစ် နှင့် အမျိုးသား အသက် ၂၁ နှစ်မှ ၅၀ နှစ် အတွင်းရှိရမည်ဖြစ်သည်။ (အသက်အရွယ် အနည်းငယ်ကျော်လွန်သူများအား ကိုယ်ရေးအချက်အလက် စီစစ်ရာတွင် မှန်ကန်မှု ရှိပါက မန်ဘာဝင်အဖြစ် စဉ်းစားပေးသွားမည်ဖြစ်ပါသည်။)
- Register ၌ဖြည့်သွင်းထားသော အချက်အလက်များ နှင့် Membership Form တွင်ဖြည့်သွင်းထားသော သတင်းအချက်အလက်များသည် မှန်ကန်မှုရှိရပါမည်။ (လိမ်ညာ ဖြည့်သွင်းထားသော အချက်အလက်များကြောင့် လူမှုရေးကိစ္စ တစ်စုံတစ်ရာ ရှိလာပါက မိမိကိုယ်တိုင်သာ တာဝန်ယူဖြေရှင်းရမည်ဖြစ်ပြီး ရွှေလက်မြဲဘက်မှ Black List နာမည်ပျက်စာရင်းသွင်း ဖော်ပြခြင်းနှင့် လိုအပ်ပါက တည်ဆဲတရားဉပဒေအရ အရေးယူ ဆောင်ရွက်သွားမည်ဖြစ်ပါသည်။)
- မန်ဘာဝင်လိုသူများသည် မိမိ ဘဝလက်တွဲဖော် (အိမ်ထောင်ဘက်) အား အတည်အတံ့ ရှာဖွေလိုသူဖြစ်ရမည်ဖြစ်ပြီး တခြားအပျော်သဘော နှင့် ရည်ရွယ်ချက်များ လုံးဝ မရှိရပါ။
- မန်ဘာဝင်လိုသူများ အနေဖြင့် အလုပ်အကိုင် အတည်တကျ ရှိရမည်ဖြစ်သည်။ (ခေတ္တ အလုပ်နားထားသူ ဖြစ်ပါက ၆ လအတွင်း အလုပ်ရှိခဲ့ကြောင်း အထောက်အထား ပြသပေးနိုင်ရပါမည်။)
- အလုပ်အကိုင် ရှိကြောင်း သို့ လုပ်ငန်းရှင်ဖြစ်ကြောင်း အထောက်အထား တစ်ခုခု တင်ပြပေးရမည်ဖြစ်ပါသည်။
- မန်ဘာဝင်ကြေး (Membership Fee) ပေးသွင်းရာတွင် ရွှေလက်မြဲမှ ဖော်ပြပေးသော ငွေစာရင်း အကောင့် များကိုသာ ပေးသွင်းရမည်ဖြစ်ပြီး Screen Shot ပြန်လည်ပေးပို့ပေးရမည်ဖြစ်ပါသည်။ တခြားသော အကောင့်များအား မှားယွင်းစွာ ငွေမသွင်းမိစေရန် သတိထားဖို့ လိုအပ်ပြီး မှားယွင်းငွေသွင်းခဲ့ပါက ရွှေလက်မြဲ ကုမ္ပဏီ အနေဖြင့် တာဝန်ယူ ဖြေရှင်းပေးလိမ့်မည်မဟုတ်ကြောင်း ကြိုတင်အသိပေးအပ်ပါသည်။
- မန်ဘာဝင်ကြေး (Membership Fee) ပေးသွင်းပြီး ၄၈ နာရီအတွင်းသာ ငွေပြန်အမ်းခြင်း Refund ပြုလုပ်ပေးမည်ဖြစ်ပါသည်။
- မန်ဘာကြေး သွင်းပြီး Membership Form ဖြည့်သွင်းပြီးသော သူများအား မည်သည့်အကြောင်းအမျိုးမျိုးကြောင့်ဖြစ်စေ ငွေပြန်အမ်းခြင်း Refund ပြန်လည်ပေးအပ်ခြင်းမရှိပါ။
- မန်ဘာဝင်များသည် မိမိသဘောဖြင့် မန်ဘာအဖြစ်မှ ဝန်ဆောင်မှုအား ခေတ္တ ဆိုင်းငံ့ထားရန် တောင်းဆိုနိုင်ပြီး လိုအပ်သည့် အချိန်၌ ပြန်လည် ဝန်ဆောင်မှုအား ရယူနိုင်ပါသည်။
- ရွှေလက်မြဲ အနေဖြင့် မန်ဘာဝင်ရန် အထောက်အထား ပြည့်စုံအောင် မတင်ပြနိုင်သူများနှင့် ပတ်သက်၍ အငြင်းပွားဖွယ်ရာ တစ်စုံတစ်ရာ ရှိလာပါက ကုမ္ပဏီ ၏ ဆုံးဖြတ်ချက်သာ အတည်ယူ၍ ဆောင်ရွက်သွားမည်ဖြစ်ပါသည်။
လိုက်ဖက်ညီသောသူ အချင်းချင်း မိတ်ဆက်အောင်သွယ်ရေး ဝန်ဆောင်မှု (Matchmaking Process)
- Membership အမျိုးမျိုး ရှိရာမှ မိမိ ဝယ်ယူထားသော Membership အလိုက် သတ်မှတ်ထားသော အချက်အလက်များနှင့် ကိုက်ညီသော သူများအား ရွေးချယ် အောင်သွယ်ခွင့်ရရှိမည်ဖြစ်ပါသည်။
- ဝယ်ယူထားသော Membership အပေါ်မူတည်၍ ကနဦး မိတ်ဆက်အောင်သွယ်ပေးခြင်း အရေအတွက် အလိုက် ဝန်ဆောင်မှုပေးသွားမည် ဖြစ်ပါသည်။(Gold Member များသာလျှင် Personalized ဆွေးနွေးခွင့်တောင်းဆိုနိုင်ပြီး မိတ်ဆက်အောင်သွယ်ပေးခြင်းအရေအတွက် ကန့်သတ်ထားခြင်းမရှိပါ)
- ကနဦး မိတ်ဆက်အောင်သွယ်ပေးခြင်း အရေအတွက်ပြည့်သွားပါကလည်း မန်ဘာအဖြစ် ဆက်လက် အကျုံးဝင်နေမည်ဖြစ်ပြီး မိမိအား တစ်ဖက် Client (LoveSeeker) မှ စိတ်ဝင်စားမှုရှိမှသာ တဖန်ပြည်လည်မိတ်ဆက်အောင်သွယ်သွားမည်ဖြစ်ပါသည်။
- ရွှေလက်မြဲမှ မိတ်ဆက်ပေးသော Client Information များအား Client (LoveSeeker) များအနေဖြင့် လျှို့ဝှက်စွာထိန်းသိမ်းထားရန် သဘောတူပါသည်။ မိတ်ဆက်ပေးသော သူအား သိရှိခဲ့သည်ရှိသော် Privacy အရ မည်သည့်အကြောင်းအမျိုးမျိုးကြောင့်ဖြစ်စေ မိမိ ဆန္ဒသဘောအလျောက် ဆက်သွယ်ပြောဆိုခြင်း၊ မေးမြန်းခြင်း (လုံးဝ) မပြုလုပ်ရပါ။
- ရွှေလက်မြဲ ဝန်ဆောင်မှုနှင့် ပတ်သက်သော သတင်းအချက်အလက်များအား တခြားသော အသိမိတ်ဆွေများ၊ Third Parties ပြင်ပဌာနများသို့ ပြန်လည်မျှဝေခြင်း မပြုလုပ်ရပါ။
- Client အချင်းချင်းသော်လည်းကောင်း၊ Matchmaker အောင်သွယ်တော်များကိုလည်းကောင်း၊ ကုမ္ပဏီ နှင့်ပတ်သက်၍လည်းကောင်း ရိုင်းစိုင်းစွာ ပြုမှုဆက်ဆံခြင်း၊ အကျိုးစီးပွားထိခိုက်အောင် ရည်ရွယ်ပြုမှုခြင်း၊ လူမှုရေး အနှောက်အယှက်များ ပေးခြင်းကို လုံးဝ မပြုလုပ်ရပါ။ ပြုလုပ်ခဲ့သည်ရှိသော် ရွှေလက်မြဲ အနေဖြင့် မန်ဘာအဖြစ်မှ ပယ်ဖျက် ရပ်ဆိုင်းမည်ဖြစ်ပြီး လိုအပ်ပါက နာမည်ပျက်စာရင်းထည့်၍ တရားဥပဒေအတိုင်း အရေးယူဆောင်ရွက်သွားမည်ဖြစ်သည်။
- မန်ဘာဝင်လိုသူများ အနေဖြင့် ဝယ်ယူထားသော Membership အမျိုးအစားအလိုက်သာ ဝန်ဆောင်မှုကို ရရှိခံစားရမည်ဖြစ်သည်။ Membership သုံးမျိုးရှိသည့် Bronze Membership (Entry Level), Silver Membership (Mid-Tier Level) နှင့် Gold Membership (High-End Premium Service) စသဖြင့် အသီးသီးရှိပါသည်။ ဝယ်ယူထားသော Membership ကို Upgrade တိုးမြှင့်ဝယ်ယူလိုသည်ရှိသော် မိမိ၏ Personal Matchmaker အောင်သွယ်တော်ကို ဆက်သွယ်၍ တိုးမြှင့်ဆောင်ရွက်နိုင်ပါသည်။
- Client (Loveseeker) အချင်းချင်း မိတ်ဆက်ပေးရာတွင် ဝယ်ယူထားသော Membership အလိုက်သာ တဖက် Client ၏ ကိုယ်ရေးအချက်အလက်များကို သိခွင့်ရှိမည်ဖြစ်သည်။ (ဥပမာ သင့်အနေဖြင့် Bronze Membership ဝယ်ယူထားလျှင် တဖက်သူ၏ ဓါတ်ပုံ နှင့်တကွ အသက်အရွယ်၊ လူမျိုး၊ ကိုးကွယ်သည့်ဘာသာ နှင့် အလုပ်အကိုင် အမျိုးအစားကိုသာ ကြိုတင်သိခွင့်ရှိမည်ဖြစ်သည်။)
- Client (Loveseeker) အချင်းချင်းမိတ်ဆက်ပေးရာတွင်လည်း မိမိ မှ အဆင်ပြေနိုင်မည့်သူကိုသာ ရွေးချယ်တွေ့ဆုံနိုင်မည်ဖြစ်ပြီး တစ်ဖက်သူမှ မိမိအား တွေ့ဆုံရန် အဆင်ပြေ၊ မပြေ ဆုံးဖြတ်ချက်များကိုလည်း လေးစားစွာ လက်ခံပေးရမည်ဖြစ်သည်။ နှစ်ဦးစလုံး အဆင်ပြေမှသာ အွန်လိုင်းဒိတ် (Online Date) နှင့် Coffee/Breakfast/Lunch/Drinks Date များ စီစဉ်ပေးနိုင်မည်ဖြစ်ပါသည်။
- ရွှေလက်မြဲမှ မန်ဘာဝင်များအတွက် စီစဉ်ပေးသော အွန်လိုင်းဒိတ် (Online Date) များအတွက် အခမဲ့ စီစဉ်ပေးမှာဖြစ်ပြီး အွန်လိုင်းဒိတ် အဆင်ပြေမှသာ နှစ်ဦးသဘောတူ မိမိ၏ ကုန်ကျစရိတ်ဖြင့် ပြင်ပ၌ အောင်သွယ်တော် Matchmaker များမှ စီစဉ်ပေးသွားမည်ဖြစ်ပါသည်။
- ပြင်ပ၌ စီစဉ်ပေးသာ တွေ့ဆုံမှု ဒိတ်များအတွက် ယောက်ျားလေးဘက်မှ Dating Arrangement Fee နှင့် ကုန်ကျစရိတ်များအား ကျခံပေးရမည်ဖြစ်ပြီး မိန်းကလေးဘက်မှ နှစ်ဦးမျှရှင်းချင်သည်ရှိမှသာ နှစ်ဦးသဘောတူ ပေးချေနိုင်ပါသည်။
- မိမိ၏ လိုက်ဖက်ညီနိုင်သောသူ (Matched Partner) ဟု အတည်မပြုရသေးသ၍ အွန်လိုင်းဒိတ်နှင့် ပြင်ပ၌ စီစဉ်ပေးသော ဒိတ်များတွင် Client အချင်းချင်း၏ နာမည်၊ ဖုန်းနံပါတ်၊ အလုပ်လုပ်ကိုင်ရာ နေရာ၊ Company နာမည် စသည်တို့ကို မေးမြန်းခြင်း ပြောပြခြင်း (လုံးဝ) ခွင့်မပြုပါ။ စည်းကမ်းဖောက်ဖျက်ပါက မန်ဘာဝင်အဖြစ်မှ ထုတ်ပယ်ခြင်း ခံရမည်ဖြစ်ပါသည်။
- မိမိနှင့် လိုက်ဖက်ညီသောသူဟု Matching လက်ခံမှသာလျှင် Client (Loveseeker) နှစ်ဦးစလုံး၏ နာမည်အရင်း ဆက်သွယ်ရန်ဖုန်းနံပါတ်တို့ကို ရွှေလက်မြဲ ကုမ္ပဏီမှ ပြန်လည် လဲလှယ်ပေးသွားမည်ဖြစ်ပါသည်။
အောင်သွယ်အပြီး ရွှေလက်တွဲသည့်တိုင် အကြံပြုဆွေးနွေးပေးခြင်း ဝန်ဆောင်မှု (After Successfully Matched Process)
- အွန်လိုင်းဒိတ် နှင့် အပြင်ဒိတ် တွေ့ဆုံမှုများ အပြီး Client (LoveSeeker) အချင်းချင်း သဘောကျ လက်ခံပါက ဆက်သွယ်ရန် ဖုန်းနံပါတ် တို့ကို ရွှေလက်မြဲမှ လဲလှယ်ပေးမှာဖြစ်ပြီး Matchmaker အောင်သွယ်တော် များမှ ရိုက်ယူထားသော Matched Couple ဓါတ်ပုံအား Shwe Lat Myal Facebook Page တွင် Privacy အရမျက်နှာများ ဖုံးကွယ်၍ Successful Record တစ်ခု အနေဖြင့် တင်ပြသွားမည်ဖြစ်ပါသည်။
- Client (Loveseeker) များအနေဖြင့် မိမိနာမည်အရင်း နှင့် ဆက်သွယ်ရန်ဖုန်းနံပါတ်တို့ လဲလှယ်ပြီးသည့်အချိန်မှစ၍ မိမိတို့ သဘောဆန္ဒအလျောက် ပြင်ပ၌ တွေ့ဆုံ ဒိတ်နိုင်မည်ဖြစ်သောကြောင့် ကောင်းမွန်သော နှစ်ဦးသား Relationship ဆက်ဆံရေးကို အစပြု တည်ဆောက်ကြရမည်ဖြစ်ပါသည်။
- Client (Loveseeker) များအနေဖြင့် မိမိသဘောဆန္ဒအလျောက် ဖုန်းနံပါတ် လဲလှယ်ပြီး အပြင်၌ ထပ်မံတွေ့ဆုံကြပြီးနောက် ဖြစ်ပေါ်လာသော လူမှုရေးပြဿနာ တစ်စုံတစ်ရာ များအား ရွှေလက်မြဲ ကုမ္ပဏီ အနေဖြင့် အကြံပြု ဆွေးနွေးပေးခြင်းမှလွဲ၍ ကြားဝင်ဖြေရှင်းပေးမည်မဟုတ်ပါ။
- ပျော်ရွှင်သာယာတဲ့ Relationship တစ်ခုမှ အိမ်ထောင်ရေး တစ်ခု တည်ဆောက်ဖို့ရာ လိုအပ်သည့် အကြံဉာဏ်များအား မိမိ၏ Personal Matchmaker အောင်သွယ်တော် နှင့် တစ်ဦးချင်း Online Appointment ယူ၍ ဆွေးနွေးတိုင်ပင်နိုင်ပါသည်။
- အဆင်ပြေသော စုံတွဲများ အနေဖြင့် စေ့စပ်ကြောင်းလမ်းခြင်း၊ မင်္ဂလာပွဲ များကျင်းပခဲ့သည်ရှိသော် ရွှေလက်မြဲ နှင့်တကွ အောင်သွယ်တော်များအား ကြိုတင်အသိပေးရန် လိုအပ်ပါသည်။
- စေ့စပ်ပွဲ၊ လက်မှတ်ထိုးပွဲ၊ မင်္ဂလာဆောင် စုံတွဲ ဓါတ်ပုံ များအားလည်းကောင်း ရွှေလက်မြဲ Social Media များတွင် ပြန်လည်ဖော်ပြခြင်းများ မန်ဘာဝင်များမှ သဘောတူလက်ခံရမည်ဖြစ်ပါကြောင်း ကြိုတင်အသိပေးအပ်ပါသည်။
- မှတ်ချက်။ ။ ရွှေလက်မြဲ ကုမ္ပဏီ သည် အောင်သွယ်ရေး ဝန်ဆောင်မှု ဖြစ်သည်နှင့် အညီ မန်ဘာဝင်များအား အကိုက်ညီဆုံး ဘဝလက်တွဲဖော် ရရှိနိုင်ရန် ကြိုးစားမိတ်ဆက်အောင်သွယ်ပေးသွားမည်ဖြစ်ပါသည်။ သို့သော် လူ အများ၏ မိမိ ဘဝလက်တွဲဖော်အား ရှာဖွေရာတွင် သတ်မှတ်ချက် စံနှုန်းစံထားများ ၊ ကြိုက်နှစ်သက်မှု၊ စိတ်ပိုင်းဆိုင်ရာ ခံစားချက် အပြောင်းအလဲ များစွာ ရှိနိုင်ပါသဖြင့် မန်ဘာဝင် အချင်းအချင်း မိတ်ဆက်ရာတွင် တစ်ဖက်ဖက်မှ တွေ့ဆုံရန် လက်မခံခြင်းများ ကြုံရသည်ရှိသော် နားလည် လက်ခံပေးနိုင်ရမည်ဖြစ်ပါသည်။